Cine Ulagam

3 வயது சிறுவன் ஒருபக்க சிறுநீரக செயலிழப்பு காரணமாக கொழும்பு சீமாட்டி வைத்தியசாலையில் சிகிச்சை பெற்றதையடுத்து,  சத்திரசிகிச்சை மேற்கொண்ட போது உயிரிழந்த சம்பவத்திற்கு நீதி கோரி, மாளிகாவத்தை முஸ்லிம் மையவாடிக்கு முன்னிலையில் நேற்று (30) ஆர்ப்பாட்டம் ஒன்று முன்னெடுக்கப்பட்டது. from Ceylon Muslim - NEWS CASTING FROM SRI LANKA https://ift.tt/S7JwqCF via Kalasam

  தற்போதைய நிலையில் இந்த அரசாங்கத்தினால் புதிய அரசியலமைப்பை உருவாக்குவதற்கான வாய்ப்புக்கள் இல்லை என ஜனாதிபதி ரணில் விக்ரமசிங்க தெரிவித்துள்ளார். அரசியலமைப்பின் 13ஆவது திருத்தம்தான் இறுதித் தீர்வா என்று ஊடகமொன்று எழுப்பிய கேள்விக்கு பதிலளிக்கும் போதே ஜனாதிபதி ரணில் விக்ரமசிங்க மேற்கண்டவாறு தெரிவித்துள்ளார். அரசியலமைப்பின் 13 ஆம் திருத்தம்தான் இறுதித் தீர்வென எந்தவொரு சந்தர்ப்பத்திலும் தான் கூறவில்லை.  தற்போதைய நிலைமையில், புதிய அரசியலமைப்பை உருவாக்குவதற்கான சூழல் இல்லை என்றும் இருக்கின்ற அதிகாரங்களைக்கொண்டு தற்காலிகத் தீர்வை வழங்குவதே நோக்கமாகும் என்றார்.  தமிழ்க் கட்சிகளின் கோரிக்கைக்கு அமைவாக அதிகாரப் பகிர்வை வழங்குவதற்கு தான் சம்மதம் தெரிவித்தாலும் பாராளுமன்றமே இறுதி முடிவை எடுக்க வேண்டும் என்றார். from Ceylon Muslim - NEWS CASTING FROM SRI LANKA https://ift.tt/VvqzAOt via Kalasam

  வாழைச்சேனை பொலிஸ் பிரிவிற்குட்பட்ட ரிதிதென்னை பகுதியில் நேற்று மாலை இடம்பெற்ற விபத்தில் ஆறு வயது சிறுவன் ஒருவர் உயிரிழந்துள்ளதையடுத்து அப்பகுதியில் மக்களிடையே பதற்ற நிலை ஏற்பட்டுள்ளதாக பொலிஸார் தெரிவித்தனர். இதனால், ஆத்திரமடைந்த பொதுமக்கள் தண்ணீர் பவுஸரை தீயிட்டு கொளுத்தியுள்ளதாகவும் பொலிஸார் தெரிவித்தனர். இவ் விபத்தில் உயிரிழந்த சிறுவன், ரிதிதென்ன இக்ரஹ் வித்தியாலயத்தில் தரம் ஒன்றில் கல்வி கற்று வரும் சலீம் ருஸ்திக் எனவும் பொலிஸாரின் விசாரணைகளில் இருந்து தெரியவந்துள்ளது.  சம்பவம் தொடர்பில் தெரியவருவதாவது,  துவிச்சக்கர வண்டியில் மாலை நேர வகுப்புக்கு தனது சகோதரனுடன் சென்ற சிறுவன், தண்ணீர் ஏற்றி வந்த பவுஸர் ஒன்று பின்நோக்கி சென்றபோது அதனுள் அகப்பட்டு ஸ்தலத்திலேயே உயிரிழந்ததாக பொலிஸாரின் முதற்கட்ட விசாரணைகளில் இருந்து தெரியவந்துள்ளது. சிறுவனின் உடல் தற்போது வாழைச்சேனை ஆதார வைத்தியசாலையில் வைக்கப்பட்டுள்ளதுடன், மேலதிக விசாரணைகளை வாழைச்சேனை பொலிஸார் மேற்கொண்டு வருகின்றனர். from Ceylon Muslim - NEWS CASTING FROM SRI LANKA https://ift.tt/Zo3y0aV via Kalasam ...

கண்களுக்கான 100,000  லென்ஸ்கள் கொள்வனவு செய்வதற்கான நடவடிக்கையில் முறைகேடு இடம்பெற்றுள்ளமை தொடர்பில் சுகாதார அமைச்சின் செயலாளரை உடனடியாக கைது செய்ய வேண்டும் என கோரிக்கை விடுக்கப்பட்டுள்ளது. மருத்துவ மற்றும் சிவில் உரிமைகளுக்கான வைத்தியர் தொழிற்சங்க கூட்டணியின் தலைவர் வைத்தியர் ஜி.ஜி.சமல் சஞ்சீவ இந்த கோரிக்கையை விடுத்துள்ளார். இதேவேளை, சுகாதார பணியாளர்கள் ஊடகங்களுக்கு தகவல் வழங்குவதை தடுக்கும் வகையில் அமுல்படுத்தப்பட்டுள்ள சுற்றறிக்கையை இரத்துச் செய்யாமைக்கு எதிராக எதிர்வரும் 3 ஆம் திகதி அடையாள வேலை நிறுத்தம் ஒன்றை மேற்கொள்ளத் திட்டமிட்டுள்ளதாக சுகாதார தொழில் வல்லுநர்கள் சங்கத்தின் தெரிவித்துள்ளது. சுற்றறிக்கைக்கு சுகாதார அமைச்சின் செயலாளர் இதுவரை பதிலளிக்கவில்லை என அதன் தலைவர்  ரவி குமுதேஷ் கூறுகிறார். இந்நாட்டின் சுகாதார சேவை தொடர்பில் சுகாதார நிபுணர்கள் மற்றும் சிவில் அமைப்புக்கள் இணைந்து சுகாதார சேவை தொடர்பிலான வௌிப்படுத்தல் விசேட மாநாடு எதிர்வரும் 3 ஆம் திகதி நடைபெறவுள்ளதாக  ரவி குமுதேஷ் குறிப்பிட்டுள்ளார். from Ceylon Muslim - NEWS CASTING FROM SRI LANKA...

இந்த ஆண்டு தேங்காய் உற்பத்தி முப்பது சதவீதம் குறையும் என தென்னை ஆராய்ச்சி நிறுவனம் எச்சரித்துள்ளது. தென்னை பயிர்ச்செய்கைக்கு பரிந்துரைக்கப்படும் உரங்கள் முறையாக கிடைக்காததே இதற்கு காரணம். இதன் காரணமாக, எதிர்காலத்தில் சந்தைக்கு வரும் வேர்க்கடலையின் அளவு குறையலாம் என அந்த நிறுவனம் தெரிவித்துள்ளது. 2019 ஆம் ஆண்டு தென்னை அபிவிருத்தி அதிகார சபையின் புள்ளிவிபரங்களின்படி, தேங்காயின் வருடாந்த தேவை 4.9 பில்லியன் காய்கள் ஆகும். அவற்றுள் உள்நாட்டு நுகர்வுக்குத் தேவையான தேங்காய்களின் எண்ணிக்கை 1.8 பில்லியன் காய்கள் மற்றும் இந்த நாட்டில் தேங்காய் எண்ணெய் உற்பத்திக்குத் தேவையான தேங்காய்களின் அளவு 1.8 பில்லியன் காய்கள் ஆகும். மேலும் ஏற்றுமதி தொடர்பான பொருட்களுக்கு தேவைப்படும் தேங்காய்களின் எண்ணிக்கை 1.3 பில்லியன் காய்கள். ஆனால் நாட்டின் தேங்காய் அறுவடை 3.1 பில்லியன் காய்களாக உள்ளது. இந்த புள்ளிவிவரங்களின்படி, தேங்காய்களின் ஆண்டு பற்றாக்குறை 1.8 பில்லியன் காய்கள். கடந்த 7 ஆண்டுகளுக்கு முன்பு தென்னை பயிர்ச்செய்கை வாரியத்துக்கு சொந்தமான நிலங்களில் கூட கடைசியாக உரமிட்டது நேற்று நடந்த கூட்டுறவு குழு...

வாழ்க்கைச் செலவு குறைந்த நாடுகளின் பட்டியல் வெளியிடப்பட்டுள்ளது.  இந்த தரப்படுத்தலில் இலங்கை 7ஆவது இடத்தில் உள்ளது. 139 நாடுகளில் மேற்கொள்ளப்பட்ட ஆய்வுகளின் அடிப்படையில் இணையத்தளமொன்றினால் இந்த பட்டியல் வெளியிடப்பட்டுள்ளது. ⭕வாழ்க்கைச் செலவு மிகவும் அதிகரித்த நாடு  இந்த தரப்படுத்தலில் வாழ்க்கைச் செலவு மிகவும் குறைந்த நாடாக பாகிஸ்தான் பட்டியலிடப்பட்டுள்ளது. இந்தப் பட்டியலில் இந்தியா மூன்றாம் இடத்தில் உள்ளதுடன்,  வாழ்கைச் செலவு மிகவும் அதிகரித்த நாடாக சுவிட்ஸர்லாந்து பதிவாகியுள்ளது. from Ceylon Muslim - NEWS CASTING FROM SRI LANKA https://ift.tt/MYjNLai via Kalasam

குவைத்தில் வீசா இன்றி தங்கியிருந்த இலங்கையைச் சேர்ந்த 62 வீட்டுப் பணியாளர்கள் அங்குள்ள இலங்கை தூதரகத்தினால் தற்காலிக விமான அனுமதியுடன் இலங்கைக்கு நாடு கடத்தப்பட்டுள்ளனர். இவர்களில் 59 பேர் பெண்கள், ஏனைய 3 பேர் ஆண்களும் இன்று (28) காலை கட்டுநாயக்க விமான நிலையத்தை வந்தடைந்துள்ளனர். குவைத்தில் வீடுகளில் வேலைக்காக ஒப்பந்தம் செய்யப்பட்ட வீடுகளை விட்டு வெளியேறி, அங்கு தற்காலிக தங்கும் விடுதிகளில் தங்கி, மாதச் சம்பளத்துக்கு பல்வேறு பணியிடங்களில் பணிபுரியும் இலங்கையர்கள் குழுவே இவ்வாறு திருப்பி அனுப்பப்பட்டவர்கள் என குவைத் நாட்டுக்கான இலங்கை தூதுவர் தெரிவித்தார். from Ceylon Muslim - NEWS CASTING FROM SRI LANKA https://ift.tt/CJWtDcL via Kalasam

  2015 ஆம் ஆண்டு 27 பேரைக் கொன்ற ஷியா மசூதியில் குண்டுவெடிப்பு மற்றும் இஸ்லாமிய அரசுக் குழுவால் உரிமை கோரப்பட்ட ஒரு கைதி உட்பட ஐந்து கைதிகளை வியாழக்கிழமை (27) தூக்கிலிட்டதாக குவைத் தெரிவித்துள்ளது. ஐந்து பேரில் மசூதி தாக்குதலில் குற்றவாளியான அப்துல்ரஹ்மான் சபா இடான், கொலைக்குற்றம் சாட்டப்பட்ட மூன்று பேர் மற்றும் இலங்கையைச் சேர்ந்த போதைப்பொருள் வியாபாரி ஒருவரும் அடங்குவதாக வழக்கறிஞர்கள் தெரிவித்தனர். குற்றவாளிகளில் ஒருவர் எகிப்தியர், மற்றொருவர் குவைத்தைச் சேர்ந்தவர். 2015 ஆம் ஆண்டு குண்டுவெடிப்பு குவைத்தின் ஷியாக்களுக்கு மிகவும் பழமையான மசூதிக்குள் நண்பகல் வெள்ளிக்கிழமை தொழுகையின் போது நிகழ்ந்தது. அந்த நேரத்தில் சிரியா மற்றும் ஈராக் ஆகிய இரு நாடுகளிலும் பெரிய பகுதிகளை கட்டுப்பாட்டில் வைத்திருந்த இஸ்லாமிய அரசு குழு, தாக்குதலுக்கு உரிமை கோரியது, இது 220க்கும் மேற்பட்டவர்களை காயப்படுத்தியது. from Ceylon Muslim - NEWS CASTING FROM SRI LANKA https://ift.tt/o1mTqIN via Kalasam

பாராளுமன்ற உறுப்பினர் அமரகீர்த்தி அத்துகோரல கொலைச் சம்பவம் தொடர்பில் 37 பிரதிவாதிகளுக்கு பிணை வழங்கப்பட்டுள்ளது. கம்பஹா நீதிமன்றத்தின் மூவரடங்கிய நீதிபதிகள் குழாம் இந்த உத்தரவை பிறப்பித்துள்ளதாக எமது செய்தியாளர் தெரிவித்தார். ஸ்ரீலங்கா பொதுஜன பெரமுனவை பிரதிநிதித்துவப்படுத்தி பொலன்னறுவை மாவட்டத்தில் இருந்து பாராளுமன்றத்திற்கு தெரிவு செய்யப்பட்ட அமரகீர்த்தி அத்துகோரல கடந்த வருடம் மே மாதம் 9 ஆம் திகதி படுகொலை செய்யப்பட்டமை குறிப்பிடத்தக்கது. from Ceylon Muslim - NEWS CASTING FROM SRI LANKA https://ift.tt/w0IEbvL via Kalasam

இறக்குமதி செய்யப்பட்ட முட்டைகளுக்கு அதிக கிராக்கி ஏற்பட்டுள்ளதுடன், ஒரே நாளில் சாதனை விற்பனையை எட்டியுள்ளதாக லங்கா சதொசவின் தலைவர் பசந்த யாப்பா அபேவர்தன தெரிவித்துள்ளார். “குறைந்தது மூன்று நாட்களுக்கு நீடிக்கும் என எதிர்பார்த்து நாங்கள் கையிருப்புக்களை விநியோகித்தோம், ஆனால் முட்டைகள் பெரும்பாலும் எங்கள் விற்பனையகங்களில் விற்றுத் தீர்ந்துவிட்டதாக அறிய முடிகின்றது. 438,000 முட்டைகளில், 420,000 முட்டைகள் நேற்று விற்பனை செய்யப்பட்டுள்ளது” என்றும் அபேவர்தன குறிப்பிட்டுள்ளார். மேல்மாகாணத்தில் இருப்புக்களை நிரப்பவும் பராமரிக்கவும் நடவடிக்கை எடுத்துள்ளோம் என்றும் அவர் தெரிவித்தார். இதேவேளை, காலி மற்றும் மாத்தறை மாவட்டங்களுக்கும் இன்று முதல் முட்டைகள் விநியோகிக்கப்படும் என்றும் தெரிவித்துள்ளார். from Ceylon Muslim - NEWS CASTING FROM SRI LANKA https://ift.tt/1lkPiKO via Kalasam

வெள்ளை மற்றும் சிவப்பு முட்டையின் சில்லறை விலை 55 ரூபாவாக குறைக்கப்பட்டுள்ளதாக அகில இலங்கை முட்டை உற்பத்தியாளர்கள் சங்கம் தெரிவித்துள்ளது. முட்டைக்கான நிர்ணய விலை நீக்கப்பட்டுள்ளமை காரணமாக முட்டை விலை குறைவடையும் என இலங்கை கால்நடை உற்பத்தியாளர்கள் சங்கம் அறிவித்திருந்தது. முட்டைக்கு விதிக்கப்பட்டிருந்த நிர்ணய விலை நேற்று(25) நள்ளிரவு முதல் நீக்கப்படுவதாக நுகர்வோர் விவகார அதிகார சபை தெரிவித்திருந்தது. முட்டைக்கு நிர்ணய விலை அமுல்படுத்தப்பட்டிருந்த காலப்பகுதியில் விநியோகஸ்தர்கள் மாத்திரமன்றி முட்டை உற்பத்தியாளர்களும் நெருக்கடிக்கு முகங்கொடுத்ததாக அஜித் குணசேகர தெரிவித்துள்ளார். from Ceylon Muslim - NEWS CASTING FROM SRI LANKA https://ift.tt/ndvE4e7 via Kalasam

  அரசியல் ஏமாற்று வித்தைகள் இல்லாமல் சரியான முறையில் கலந்துரையாடலுக்கு வருவீர்களாக இருந்தால் வாருங்கள் என்று தெரிவித்துள்ள ஐக்கிய மக்கள் சக்தியின் தலைவரும் எதிர்க்கட்சித் தலைவருமான சஜித் பிரேமதாச, வழமையான அரசியல் ஏமாற்று வித்தை என்று கருதும் பட்சத்தில் அந்நிமிடமே குறித்த கலந்துரையாடல் மேசையை விட்டு ஐ.ம.ச வெளியேறும் என்றார். தற்போதைய அரசாங்கத்தில் அங்கம் வகிக்கும் உறுப்பினர்கள் இடையே பொது நிகழ்ச்சி நிரல்,வேலைத்திட்டம், கருத்து ஒற்றுமை, கூட்டுப் பொறுப்புடன் ஒரு கருத்துடன் செயற்படும் நிலைப்பாடுகள் இல்லை என்றும் குறிப்பிட்டார்.  நாட்டையும் மக்களையும் பற்றி சிந்தித்து எதிர்க்கட்சி ஒருவேளை இந்த கலந்துரையாடலுக்குச் சென்றாலும்,இந்த கலந்துரையாடல் வழமையான அரசியல் ஏமாற்று வித்தை என்று கருதும் பட்சத்தில் அந்நிமிடமே குறித்த கலந்துரையாடல் மேசையை விட்டு வெளியேறும் என்றார். பிரபஞ்சம் வேலைத்திட்டத்தின் கீழ் பிபில மெதகம தேசிய பாடசாலைக்கு பேருந்து வழங்கும் நிகழ்வில் செவ்வாய்க்கிழமை (25) கலந்து கொண்டு உரையாற்றும் போதே எதிர்க்கட்சித் தலைவர் சஜித் பிரேமதாச இவ்வாறு  தெரிவித்தார். அ...

உலக நீரில் மூழ்கும் தடுப்பு தினம் இன்று (25) அனுஷ்டிக்கப்படுகிறது. நீரில் மூழ்குதல் உள்ளிட்ட காரணங்களால் இலங்கையில் ஒவ்வொரு 8 மணித்தியாலத்திற்கும் மூன்று மரணங்கள் ஏற்படுவதாக சுகாதார அமைச்சு தெரிவித்துள்ளது. அரசாங்க தகவல் திணைக்களத்தில் நடைபெற்ற ஊடகவியலாளர் சந்திப்பில் கலந்து கொண்ட வைத்திய நிபுணர்கள்  மேலும் சுட்டிக்காட்டியதாவது, வயது முதிர்ந்த ஒருவர் இறப்பதற்கு ஒரு அடி நீர்மட்டம் கூட போதுமானது. இலங்கையில் வருடாந்தம் 10,000 முதல் 12,000 பேர் வரை விபத்துக்களால் உயிரிழக்கின்றனர். அவற்றில் சுமார் 10 சதவீதம் பேர் நீரில் மூழ்கி இறக்கின்றனர். 20 வயதுக்கு மேற்பட்ட இளைஞர்கள் மற்றும் முதியவர்கள் நீரில் மூழ்கி அதிகமாக பலியாவதாக ஆய்வுகள் தெரிவிக்கின்றன. உலகில் வருடாந்தம் 02 இலட்சத்திற்கும் அதிகமானோர் நீரில் மூழ்கி உயிரிழப்பதாக தெரிவிக்கப்படுகிறது. அதன்படி, நாம் இது குறித்து என்ன தெரிந்து கொள்ள வேண்டும்? சுகாதார அமைச்சின் தொற்று அல்லாத நோய்கள் பிரிவின் விபத்து தடுப்பு மற்றும் மேலாண்மைப் பிரிவின் பிரதானி, விசேட வைத்தியர் எஸ் சிறிதுங்க, ⭕"இலங்கையில் ஒரு நாளைக்கு 8 மணித்திய...

   (ஊடகப்பிரிவு)    கிழக்கு மாகாணத்தில் அவசரமாக மேற்கொள்ளப்பட வேண்டிய அபிவிருத்தி வேலைத்திட்டங்கள், முஸ்லிம் சமூகம் எதிர்கொள்ளும் சமகால பிரச்சினைகள் மற்றும் தற்போது எழுந்துள்ள ஏறாவூர் நகர சபைப்பிரிவில் சுத்திகரிப்பு தொழிலாளர்களின் காணிப்பிரைச்சினைகள் தொடர்பிலான அவசர சந்திப்பொன்று கொழும்பில் உள்ள ஆளுநரின் வாசஸ்தலத்தில் இடம்பெற்றது.       இச் சந்திப்பில் முஸ்லிம் காங்கிரஸ் கட்சியின் தலைவர் முன்னாள் அமைச்சர் பாராளுமன்ற உறுப்பினர் றவூப் ஹக்கீம், முன்னாள் அமைச்சர் கலாநிதி எம்.எல்.ஏ.எம்.ஹிஸ்புழ்ழாஹ் மற்றும் முன்னாள் இராஜாங்க அமைச்சர் அலி ஸாஹிர் மௌலானா ஆகியோர் இக் கலந்துரையாடலில் ஈடுபட்டனர்.  இதன் போது கிழக்கு மாகாணத்தில் இனங்களுக்கு மத்தியில் ஏற்படும் முரண்பாடுகளை சுமூகமான வகையில் தீர்த்துக்கொள்வது தொடர்பாக பேசப்பட்டதுடன் தேவை ஏற்படின் தமிழ் மக்களை பிரதிநிதித்துவப்படுத்தும் பாராளுமன்ற உறுப்பினர்களுடன் சந்திப்புக்களை ஏற்படுத்தி எந்த வகையிலும் பொது மக்களுக்கு மத்தியில் குழப்பங்கள் ஏற்படாத வகையில் பேச்சுவார்த்தைகள் மூலமாக பிரச்சினைகளை தீர்க்க ...

முட்டைக்கு விதிக்கப்பட்டிருந்த நிர்ணய விலை இன்று (25) நள்ளிரவு முதல் நீக்கப்படுவதாக நுகர்வோர் விவகார அதிகார சபை தெரிவித்துள்ளது. இதற்கான அனுமதியை அமைச்சரவை வழங்கியுள்ளது. வௌ்ளை முட்டைக்கு 44 ரூபாவும் சிவப்பு முட்டைக்கு 46 ரூபாவும் நிர்ணய விலையாக அறிவிக்கப்பட்டிருந்தமை குறிப்பிடத்தக்கது. from Ceylon Muslim - NEWS CASTING FROM SRI LANKA https://ift.tt/eH0fX7Z via Kalasam

இலங்கைக்கான நோர்வே தூதரகம் 2023 ஆம் ஆண்டு ஜூலை 31 ஆம் திகதியுடன் இலங்கையில் செயற்பாடுகளை முடித்துக்கொள்வதாக அறிவித்துள்ளது. ஓகஸ்ட் 01 முதல் இலங்கை மற்றும் மாலைத்தீவுடனான நோர்வேயின் இருதரப்பு உறவுகளுக்கு புதுடெல்லியில் உள்ள நோர்வே தூதரகம் பொறுப்பேற்கும் என்று தூதரகம் தனது பேஸ்புக் பக்கத்தில் ஒரு அறிக்கையில் தெரிவித்துள்ளது. இலங்கையில் உள்ள நோர்வே தூதரகத்தின் முகநூல் பக்கம் மூடப்படும் எனத் தெரிவித்துள்ள தூதரகம், புதுடெல்லியில் உள்ள நோர்வே தூதரகத்தின் பக்கத்தைப் பின்தொடருமாறு பொதுமக்களிடம் கோரிக்கை விடுத்துள்ளது. இந்தியா, இலங்கை மற்றும் மாலைத்தீவுகளுடனான அதன் தற்போதைய ஒத்துழைப்பு குறித்த கூடுதல் தகவல்கள் புதிய பேஸ்புக் பக்கத்தில் கிடைக்கும் என்று தூதரகம் தெரிவித்துள்ளது. இதேவேளை, தனது @NorwayAmbLK எனும் ட்விட்டர் கணக்கு புதுப்பிக்கப்பட மாட்டாது என இலங்கை மற்றும் மாலைதீவுக்கான நோர்வே தூதுவர் ட்ரைன் ஜோரன்லி எஸ்கெடல் தெரிவித்துள்ளார். புதுப்பிப்புகளுக்கு @norwayinindia ஐப் பின்தொடருமாறு  பொதுமக்களை தூதரம் கேட்டுக்கொண்டது. from Ceylon Muslim - NEWS CASTING FROM SRI LANKA ht...

  ஜனாதிபதி ரணில் விக்கிரமசிங்க தலைமையில் அடுத்த ஜனாதிபதித் தேர்தலிலும் பொதுத் தேர்தலிலும் போட்டியிடப் போவதாக ஐக்கிய தேசியக் கட்சியின் பிரதித் தலைவர் ருவான் விஜேவர்தன தெரிவித்துள்ளார். வத்தளை பிரதேசத்தின் ஐக்கிய தேசியக் கட்சியின் புதிய அமைப்பாளராக அமைச்சர் ஹரீன் பெர்னாண்டோ நியமிக்கப்பட்டுள்ள நிலையில் இடம்பெற்ற செயற்குழு கூட்டத்தில் கலந்துகொண்டு அவர் இந்த கருத்தை வெளியிட்டுள்ளார். ஜனாதிபதி ரணில் விக்கிரமசிங்க அடுத்த ஜனாதிபதித் தேர்தலில் பாரிய கூட்டணியில் போட்டியிடுவார். இந்த கூட்டணி சிறிலங்கா சுதந்திர கட்சி, பொது ஜன பெரமுன மற்றும் ஐக்கிய மக்கள் சக்தி போன்ற உட்பட கட்சிகளில் இருந்தவர்களால் உருவாக்கப்படும். ஜனாதிபதி இந்த கட்சிகளை ஒன்றிணைக்க முயற்சி செய்கிறார் என்றும் ருவான் விஜேவர்தன கூறியுள்ளார். இதேவேளை, நாட்டின் பொருளாதாரத்தை ஸ்திரப்படுத்தி ஜனநாயகத்தை நிலைநாட்டுவதற்காக ஸ்ரீலங்கா பொதுஜன பெரமுனவின் உதவியுடன் ரணில் விக்ரமசிங்க, ஜனாதிபதியாக நியமிக்கப்பட்டதாக ஸ்ரீலங்கா பொதுஜன பெரமுனவின் பொதுச் செயலாளர் சாகர காரியவசம் தெரிவித்துள்ளார். எனினும் ஸ்ரீலங்கா பொதுஜன பெரமுன, அவரின் வ...

நீர்கொழும்பு கடற்கரையில் நீராடச் சென்ற 3 இளைஞர்கள் நீரில் மூழ்கி உயிரிழந்துள்ளனர். கொஸ்லாந்தை, டயகம மற்றும் சுன்னாகம் ஆகிய பிரதேசங்களை சேர்ந்த சத்திய மூர்த்தி சிறிவிந்த் (21), வடிவேல் ஆனந்த குமார் (23) மற்றும் ஜெயதீஸ்வரன் ஜெயலக்ஷ்மன் (23) ஆகிய மூவருமே இவ்வாறு உயிரிழந்துள்ளனர். இன்று 23ஆம் திகதி ஞாயிற்றுக்கிழமை பகல் 12.45 மணியளவில் நீராடச்சென்ற 3 பேரும் காணாமல்போயுள்ள நிலையிலேயே உயிரிழந்துள்ளனர். இவ்வாறு உயிரிழந்த இளைஞர்களுடன் நீராடச் சென்ற மற்றுமொரு இளைஞன் இது தொடர்பில் நீர்கொழும்பு பொலிஸில் முறைப்பாடு செய்துள்ளார். சம்பவம் தொடர்பில் பொலிஸார் மேலதிக விசாரணைகளை மேற்கொண்டு வருகின்றனர் from Ceylon Muslim - NEWS CASTING FROM SRI LANKA https://ift.tt/mbr1H3o via Kalasam

(எம்.வை.எம்.சியாம்) மருந்துகளின் தரத்தை நிர்ணயிக்கும் தேசிய மருந்துகள் ஒழுங்குபடுத்தல் அதிகார சபைக்கு அழுத்தம் விடுத்து முக்கிய வைத்தியர்கள் வீடு செல்லும் நிலை ஏற்பட்டுள்ளது. நாடு தற்போது பாரிய நெருக்கடியை எதிர்கொண்டுள்ளது. உயிர்களுடன் விளையாடும் இந்த விடயம் தொடர்பில் உடனடியாக அரசாங்கம் பதில் வழங்க வேண்டும் என பாராளுமன்ற உறுப்பினர் பாட்டலி சம்பிக்க ரணவக்க தெரிவித்துள்ளார். கொழும்பில் நடைபெற்ற ஊடகவியலாளர் சந்திப்பில் கலந்துகொண்டு சுகாதாரத் துறைக்குள் ஏற்பட்டுள்ள நெருக்கடிகள் தொடர்பில் கருத்து தெரிவிக்கும்போதே அவர் மேற்கண்டவாறு தெரிவித்தார். அவர் மேலும் குறிப்பிட்டதாவது, மருந்துகளின் தரத்தை நிர்ணயிக்கும் மற்றும் தீர்மானிக்கும் தேசிய மருந்துகள் ஒழுங்குபடுத்தல் அதிகார சபைக்கு அழுத்தம் விடுத்து முக்கிய வைத்தியர்கள் வீடு செல்லும் நிலைமை ஏற்பட்டுள்ளது. பின்னர் தமக்கு நெருங்கியவர்களை நியமித்தனர். தற்போது அங்கிருந்த மருந்தாளர்கள் சிலரையும் நீக்கியுள்ளனர். இது போன்றதொரு நிலைமையே எரிவாயுக்கும் இருந்தது. எரிவாயு வெடிப்புகள் காரணமாக சில உயிர்ச்சேதங்கள் பதிவாகியிருந்தது. எனினும...

06 மாதங்கள் முதல் 03 வயது வரையிலான குழந்தைகளுக்கு திரிபோஷ வழங்குவது அத்தியாவசியமானது என அரசாங்க குடும்ப சுகாதார சேவைகள் சங்கத்தின் தலைவர் தேவிகா கொடித்துவக்கு தெரிவிக்கின்றார். அந்த வயதிற்குட்பட்ட குழந்தைகளுக்கு திரிபோஷ கொடுப்பதை நிறுத்துவதற்கு எடுக்கப்பட்ட தீர்மானங்களை ஏற்றுக்கொள்ள முடியாது என அவர் குறிப்பிட்டுள்ளார். 06 மாதங்கள் முதல் 03 வயது வரையிலான குழந்தைகளுக்கு திரிபோஷ கொடுக்க வேண்டிய அவசியமில்லை எனக் கூறுபவர்கள் தொடர்பில் விசாரணை நடத்தப்பட வேண்டுமெனவும் அவர் குறிப்பிட்டுள்ளார். from Ceylon Muslim - NEWS CASTING FROM SRI LANKA https://ift.tt/G5qfyci via Kalasam

உலக சுகாதார ஸ்தாபனத்தின் பரிந்துரைகளுக்கு அமைய, பல்வேறு விடயங்களை உள்ளடக்கி தயாரிக்கப்பட்டுள்ள புதிய இறப்புச் சான்றிதழ்களை வழங்குவதற்கு நடவடிக்கை எடுக்கப்பட்டுள்ளது. சுகாதார அமைச்சு, நீதி அமைச்சு, பதிவாளர் நாயகம் திணைக்களம் ஆகியன இணைந்து இந்த இறப்புச் சான்றிதழை தயாரித்துள்ளதாக அகில இலங்கை மரண விசாரணை அதிகாரிகள் சங்கத்தின் தலைவர் அனுர ஹேரத் தெரிவித்தார். 12 பிரதான விடயங்கள், 24 உப விடயங்களை உள்ளடக்கியதாக இந்த இறப்புச் சான்றிதழ் தயாரிக்கப்பட்டுள்ளது. மரணத்திற்கான காரணம், இயற்கை மரணமா இல்லையா என்பனவே இதுவரை வழங்கப்பட்ட இறப்புச் சான்றிதழ்களில் குறிப்பிடப்பட்டிருந்தது. தற்போது, உயிரிழந்த நபர் தொடர்பிலும் மரணத்திற்கான காரணம் தொடர்பிலும் சான்றிதழில் குறிப்பிட வேண்டும் என்பதுடன், மரண விசாரணை அதிகாரிகளால் இறப்புச் சான்றிதழ்களில் பதிவிடப்படவும் வேண்டும். மரணத்திற்கான காரணத்தை நான்கு விடயங்களின் கீழ் விரிவாகக் குறிப்பிட வேண்டும் எனவும் அகில இலங்கை மரண விசாரணை அதிகாரிகள் சங்கத்தின் தலைவர் அனுர ஹேரத் தெரிவித்தார். உயிரிழப்பு இடம்பெற்ற சந்தர்ப்பத்தில் இருந்து இடம்பெறும் அனைத்த...

அங்குருவாதொட்ட, உருதுதாவ இரட்டை படுகொலை தொடர்பில் முக்கிய சந்தேகநபர் கைது செய்யப்பட்டுள்ளார். அந்த பெண்ணின் கணவனின் உறவினர் ஒருவரே இவ்வாறு கைது செய்யப்பட்டுள்ளார் என்று பொலிஸார் தெரிவித்தனர். சம்பவம் தொடர்பில் சந்தேகத்தின் பேரில் அந்த நபரிடம் பொலிஸார் விசாரணைகளை மேற்கொண்டிருந்தனர். எனினும்,அந்த நபர் பிரதேசத்தில் இருந்து தலைமறைவாகியிருந்தார். இந்நிலையிலேயே அவரை பொலிஸார் கைது செய்துள்ளனர்.  ⭕முந்திய செய்தி அங்குருவாதொட்ட, உருதுதாவ பிரதேசத்தில் காணாமல் போன இளம் தாய் மற்றும் 11 மாதங்களேயான குழந்தையின் சடலங்கள் அங்குருவாதொட்ட இரத்மல்கொட காட்டில் கண்டெடுக்கப்பட்டுள்ளதாக பொலிஸார் தெரிவித்துள்ளனர். 24 வயதான வாசனா குமாரி மற்றும் அவரது 11 மாத மகள் தஷ்மி திலன்யா ஆகியேர் கடந்த இரண்டு நாட்களுக்கு முன்பு காணாமல் போயுள்ளனர். அவரது கணவர் வேலைக்குச் சென்ற நிலையில், வீட்டில் மனைவி மற்றும் குழந்தை இல்லாததால் பொலிஸ் நிலையத்தில் இது தொடர்பில் முறைப்பாடளித்துள்ளார். இதையடுத்து பொலிஸார் மேற்கொண்ட விசாரணையில்   இருவரும்   சடலங்களாக மீட்கப்பட்டுள்ளதாக தெரிவிக்கப்பட்டுள...

நேற்றுடன் ஒப்பிடும் போது  இன்றையதினம்(21.07.2023) அமெரிக்க டொலருக்கு நிகரான இலங்கை ரூபாவின் பெறுமதி மேலும் கடுமையான வீழ்ச்சியை சந்தித்துள்ளது. ⭕இன்றைய நாணய மாற்று விகிதம் 🔹இந்தநிலையில், இலங்கை மத்திய வங்கி வெளியிட்டுள்ள இன்றைய (21.07.2023) நாணய மாற்று விகிதங்களின்படி, அமெரிக்க டொலரின் விற்பனை விலை  *331.98*  ரூபாவாகவும், கொள்வனவு விலை   *318.72* ரூபாவாகவும் பதிவாகியுள்ளது. 🔹மேலும், கனேடிய டொலரின் விற்பனை விலை  *253.83* ரூபாவாகவும், கொள்வனவு விலை  *240.86* ரூபாவாகவும் பதிவாகியுள்ளது. 🔹பவுண்ட் மற்றும் யூரோவின் பெறுமதி இதன்படி, யூரோ ஒன்றின் விற்பனை பெறுமதி *371.55*  ரூபாவாகவும், கொள்வனவு பெறுமதி *353.96* ரூபாவாகவும் பதிவாகியுள்ளது. 🔹அதேசமயம், ஸ்டெர்லிங் பவுண்டின் இன்றைய விற்பனை பெறுமதி  *428.97* ரூபாவாகவும், கொள்வனவு பெறுமதி  *409.73* ரூபாவாகவும் பதிவாகியுள்ளது. from Ceylon Muslim - NEWS CASTING FROM SRI LANKA https://ift.tt/Oih8QTk via Kalasam

ஜனாதிபதி ரணில் விக்ரமசிங்க, இந்தியப் பிரதமர் நரேந்திர மோடியை டெல்லியில் உள்ள ஹைதராபாத் இல்லத்தில் சற்று முன்னர் சந்தித்தார். இதேவேளை இந்தியாவின் தேசிய பாதுகாப்பு ஆலோசகர் அஜித் தோவல், இன்று (21) காலை டெல்லியில் ஜனாதிபதி ரணில் விக்ரமசிங்கவை சந்தித்தார். இந்தியா சென்றுள்ள ஜனாதிபதி ரணில் விக்ரமசிங்க இந்திய வெளிவிவகார அமைச்சர் கலாநிதி சுப்ரமணியம் ஜெயசங்கரினால் வரவேற்கப்பட்டதோடு இருவரும் நேற்று (20) மாலை கலந்துரையாடலிலும் ஈடுபட்டனர். இந்தியப் பிரதமர் நரேந்திர மோடியின் அழைப்பின் பேரில், ஜனாதிபதி ரணில் விக்கிரமசிங்க 2 நாள் உத்தியோகபூர்வ விஜயத்தை மேற்கொண்டு இந்தியா சென்றுள்ளமை குறிப்பிடத்தக்கது. from Ceylon Muslim - NEWS CASTING FROM SRI LANKA https://ift.tt/maurX2Z via Kalasam

பாலஸ்தீனர்களுக்கு எதிரான அநீதிகளை சர்வதேசம்  கண்டுகொள்ளாமலிருப்பதை வன்மையாகக் கண்டிப்பதாக மக்கள் காங்கிரஸ் தலைவரும் பாராளுமன்ற உறுப்பினருமான ரிஷாட் பதியுதீன் தெரிவித்தார். பாராளுமன்ற உறுப்பினர் இம்தியாஸ் பாக்கீர் மாக்கார் கொண்டுவந்த பாலஸ்தீன் குறித்த பாராளுமன்ற  விவாதத்தில் (18) உரையாற்றிய அவர் மேலும் தெரிவித்ததாவது, “ஜனநாயகம் பற்றி பேசும் மேற்குலம் இஸ்ரேலின் அட்டகாசங்களை கண்டுகொள்ளாதிருப்பது கவலையளிக்கிறது. இலங்கை பாராளுமன்றத்தில் கொண்டுவரப்பட்டுள்ள இந்தப் பிரேரணை, இலங்கை அரசாங்கத்தின் பிரகடனமாக வெளியிடப்படுவது அவசியம்.  சர்வதேச அரங்கில்  நிறைவேற்றப்பட்ட பத்துக்கும் அதிகமான பாலஸ்தீன் குறித்த பிரேரணைகள் இன்னும் நடைமுறைப்படுத்தப்படாமலிருக்கின்றன. இந்த வஞ்சகப் போக்கிலிருந்து இஸ்ரேலும் மேற்குலகும் விலகாதவரை பாலஸ்தீனர்கள் எதிர்கொள்ளும் இன்னல்கள் நீங்கப்போவதில்லை.  நாட்டின் இடதுசாரி அரசியல் கட்சிகள் பாலஸ்தீனர்களுக்கு ஆதரவாக செயற்படுகின்றன. இந்த ஆதரவுகள் சர்வதேசத்தளத்தில் பலமடைவதற்கு  நடவடிக்கை எடுப்பது அவசியம்.  பாலஸ்தீனிலுள்ள அகதி முகாம்களுக்கு...

  இரண்டு நாட்களுக்கு மட்மே, ஐந்து பதில் அமைச்சர்கள் நியமிக்கப்பட்டுள்ளனர். ஜனாதிபதி ரணில் விக்கிரமசிங்க இரண்டு நாள் உத்தியோகபூர்வ விஜயத்தை மேற்கொண்டு  இந்தியாவுக்கு வியாழக்கிழமை (20) மாலை செல்லவுள்ளார். தனது உத்தியோகபூர்வ விஜயத்தை முடித்துக்கொண்டு, அவர் நாட்டுக்கு திரும்பும் வரையிலும் ஜனாதிபதியிடம் இருக்கும் அமைச்சுகளின் பொறுப்புகளுக்கு பதில் அமைச்சர்கள் நியமிக்கப்பட்டுள்ளனர்.   இதன்படி, பாதுகாப்பு இராஜாங்க அமைச்சர் பிரமித் பண்டார தென்னகோன், பதில் பாதுகாப்பு அமைச்சராகவும் நிதி இராஜாங்க அமைச்சர்  ஷெஹான் சேமசிங்க நிதி, பொருளாதார ஸ்திரப்படுத்தல் மற்றும் தேசிய கொள்கையின் பதில் அமைச்சராகவும், முதலீட்டு ஊக்குவிப்பு இராஜாங்க அமைச்சர் திரு.திலும் அமுனுகம முதலீடுகள் ஊக்குவிப்பு பதில் அமைச்சராகவும் நியமிக்கப்பட்டுள்ளனர். இதேவேளை, தொழில்நுட்ப இராஜாங்க அமைச்சர் கனக ஹேரத் பதில் தொழில்நுட்ப அமைச்சராகவும்  சமூக வலுவூட்டலுக்கான இராஜாங்க  அமைச்சர் அனுபா பாஸ்குவல்,   பெண்கள், சிறுவர்கள் விவகாரம் மற்றும் சமூக அதிகார பதில் அமைச்சராகவும் நியமிக்கப்பட...

தமிழ் முற்போக்கு கூட்டணி, சஜித் பிரேமதாசவுடன் கரங்கோர்த்து இருக்க காரணங்கள் இவைதான் த.மு.கூ தலைவர் மனோ கணேசன் எம்.பி நுவரெலியா முதல் கொழும்பு அவிசாவளை வரை நாடெங்கும் பரந்து வாழும், பெருந்தோட்ட மக்களுக்கு வீடு கட்டி வாழவும், பயிர் செய்கை வாழ்வாதாரத்துக்கும் காணி வழங்கி, அவர்களை சிறுதோட்ட உரிமையாளராக்கும் எமது கொள்கையை சஜித் பிரேமதாச ஏற்றுக்கொண்டுள்ளார். அதேபோல், கொழும்பு மாநகரில் சொந்த வீடு இல்லாமல் வாடகை வீடுகளில் வாழும் மக்களுக்கு தொடர்மனைகளை கட்டி சொந்தவீடுகள் வழங்கவும் சஜித் பிரேமதாச எம்முடன் ஒரு கட்சியாக, தேசிய கூட்டணியாக உடன்பாடு கண்டுள்ளார். தமிழ் முற்போக்கு கூட்டணி, சஜித் பிரேமதாச தலைமையில் ஐக்கிய மக்கள் கூட்டணியில், பிரதான பங்காளி கட்சியாக அங்கம் வகிக்க பிரதான காரணங்களில் இது ஒன்றாகும், எதிர்கட்சி தலைவர் பிரேமதாச, இவை தொடர்பில் எமக்கு எழுத்து மூலமாகவும் வாய்மொழி மூலமாகவும் உறுதிகள் அளித்துள்ளார். பகிரங்கமாக மேடைகளில் கூறியுள்ளார். பாராளுமன்றத்தில் அதை இன்று மீண்டும் கூறி உறுதி செய்தார் என தமிழ் முற்போக்கு கூட்டணி தலைவர் மனோ கணேசன் எம்பி கூறியுள்ளார். இன்றைய பாராளுமன...

  முன்னாள் பாராளுமன்ற உறுப்பினர் A.H.M. அலவி மாமாவின் மறைவு எமது அனைவருக்கும் ஓர் பேரிழப்பாகும். குருநாகல் மாவட்டத்தின் முதலாவது முஸ்லிம் பாராளுமன்ற உறுப்பினராக இருந்து மதங்களை கடந்து மக்களுக்காக ஆற்றிய சேவையின் வெளிப்பாடு ஜனாசாவில் அந்நிய மக்கள் வடித்த கண்ணீரில் தெரிந்தது.  "மந்திரிதுமா" என்று அன்பாய் மக்கள் அழைப்பதும் நான் சிறு வயதாக இருக்கும் போது "அலவி மந்திரிதுமாட்ட ஜயவேவா" என்று கோஷமிட்டுக்கொண்டு குருநாகல் மாவட்டத்தில் தேர்தல் பிரச்சாரத்துக்காக சென்றதும் இன்றும்  என்செவிகளில் ஒலித்துக்கொண்டு இருக்கிறது.  (இதுவே என் வாழ்வில் செய்த முதலாவதும் இறுதியூமான அரசியல் செயற்பாடு) அது மாத்திரமன்றி நான் வரவு செலவுத்திட்ட இறுதி வாக்கொடுப்பு பற்றிய நேரடி செய்தி அறிக்கையிடலுக்காக பாராளுமன்றம் சென்று இருந்த போது, எதேர்ச்சையாக கண்ட அலவி மாமாவுடன் பாராளுமன்ற வளாகத்தில் அரசியல் விவகாரங்களை பேசிக்கொண்டு சுற்றிவந்தது இன்றும் விழித்திரை முன்னே நிற்கிறது. அலவி மாமா பாராளுமன்ற உறுப்பினராக இருந்த போது பாராளுமன்ற உறுப்பினர்களுக்காக வழங்கப்படும் ஸ்ரீ ஜயவர்தனபுரவில் உள்ள வாசஸ்த்தலத்...

1994ஆம் ஆண்டு குருணாகல் மாவட்டத்தில் மக்களால் தெரிவு செய்யப்பட்ட முதலாவது முஸ்லிம் பாராளுமன்ற உறுப்பினர் அல்-ஹாஜ் ஏ.எச்.எம் அலவி இன்று (16) மாலை கொழும்பு வைத்தியசாலையில் வைத்து காலமானார். அன்னாரின் ஜனாஸா நல்லடக்கம் நாளை காலை 09 மணிக்கு குருணாகல, பம்பன்ன முஸ்லிம் மையவாடியில் அடக்கம் செய்யப்படுமென அவரின் குடும்பத்தினர் தெரிவித்தனர். தகவல்: டில்ஷாத் அலவி (மகன்) from Ceylon Muslim - NEWS CASTING FROM SRI LANKA https://ift.tt/i3K76nN via Kalasam

குழந்தைகள் மத்தியில் தட்டம்மை பரவி வருவதாக ரிட்ஜ்வே ஆர்யா சிறுவர் வைத்தியசாலையின் விசேட வைத்திய நிபுணர் டொக்டர் தீபால் பெரேரா தெரிவித்துள்ளார். தட்டம்மை தடுப்பூசி போடப்படாத குழந்தைகளே இந்நோயினால் அதிகம் பாதிக்கப்படுவதாகத் தெரிவித்தார். from Ceylon Muslim - NEWS CASTING FROM SRI LANKA https://ift.tt/v08r2KD via Kalasam

மக்களுக்கு மலட்டுத்தன்மையை உருவாக்கும் மாத்திரை உள்ளதா? பெண்களின் உள்ளாடைகளில் ஒரு ஜெல் பயன்படுத்தி மலட்டுத்தன்மையை உருவாக்க முடியுமா? சிசேரியன் பிரசவத்தின்போது ஒரு மருத்துவர் பெண்களுக்கு ரகசியமாக கருத்தடை செய்வதை நீங்கள் கேள்விப்பட்டிருக்கிறீர்களா? இவை அனைத்தும் இலங்கையில், முஸ்லிம்களை வெறுக்கும் பெளத்த மதத்தினரிடையே திட்டமிட்டுப் பரப்பப்படும் பொய்கள். பெரும்பான்மையாக உள்ள பெளத்த சமூகத்தைச் சேர்ந்த பெண்களுக்கு கருத்தடை செய்வதன் மூலம் நாட்டில் சிறுபான்மையாக உள்ள முஸ்லிம்களின் மக்கள் தொகையை அதிகரிப்பதற்காக இது போன்ற ரகசிய முயற்சி செய்யப்படுவதாக இந்தப் பொய்களின் வழியே சொல்லப்படுகிறது. வடமேற்கு நகரமான குருணாகலையைச் சேர்ந்த மருத்துவர் ஒருவர் இப்படியான ஒரு நம்ப முடியாத குற்றச்சாட்டிற்கு இலக்கானார். "நான் ஒரு முஸ்லிம், 4,000 பெளத்த பெண்களுக்கு ரகசியமாக கருத்தடை செய்ததாக என் மீது குற்றம் சாட்டப்பட்டது," என்கிறார் அறுவை சிகிச்சை மருத்துவரான ஷாஃபி சிஹாப்தீன். மருத்துவர் ஷாஃபி சிஹாப்தீன், சிசேரியன் அறுவை சிகிச்சையின்போது பெளத்த பெண்களின் ஃபலோபியன் குழாய்களை (fallo...

அஸ்வெசும நலன்புரித் திட்ட பெயர் பட்டியலில் மாற்றம் ஏற்படும் போது புதிதாக உள்வாங்கப்படுவோருக்கான ஜூலை, ஆகஸ்ட் மாத தவணை கொடுப்பனவுகள் ஒரே நேரத்தில் வழங்கப்படும் என நிதி இராஜாங்க அமைச்சர் செஹான் சேமசிங்க தெரிவித்துள்ளார். அஸ்வெசும நலன்புரித் திட்டம் தொடர்பில் கருத்து தெரிவிக்கும் போதே அவர் இந்த விடயத்தை குறிப்பிட்டுள்ளார். அஸ்வெசும திட்டத்தில் சமுர்த்தி பயனாளிகள் மேலும் தெரிவிக்கையில், அரச நலன்புரித் திட்ட கொள்கைக்கு அமைய கிடைக்கப் பெற்ற 33 இலட்ச விண்ணப்பதாரிகளில் 70 சதவீத சமுர்த்தி பயனாளர் குடும்பங்கள் அஸ்வெசும நலன்புரித் திட்டத்தில் உள்வாங்கப்பட்டுள்ளனர் அஸ்வெசும நலன்புரித் திட்டத்தின் ஊடாக 22 இலட்சம் குடும்பங்களுக்கு குறுகிய மற்றும் நீண்டகால திட்டத்துக்கு அமைய நிவரணத் தொகை வழங்கப்படவுள்ளது. இந்த தொகை 16.8 இலட்சம் சமுர்த்தி பயனாளர்களின் எண்ணிக்கையை விட அதிகமாகும். அத்துடன் ஐந்து இலட்சத்துக்கும் அதிகமான மாற்றுத்திறனாளிகள், சிறுநீரக நோயாளர்கள் மற்றும் சிரேஷ்ட பிரஜைகளுக்கு உதவித் தொகை வழங்கப்படும். சமுர்த்தி பயனாளர் குடும்பங்களில் 1,280,747 பேர் காப்புறுதிப் பலன்களுக்காக விண...

  பலஸ்தீன் மக்கள் தற்­போது எதிர்­கொள்ளும் சவால்கள் தொடர்­பாக எதிர்­வரும் 18 ஆம் திகதி பாரா­ளு­மன்­றத்தில் சபை ஒத்­தி­வைப்பு வேளை பிரே­ர­ணை­யாக விவா­திப்­ப­தற்கு தீர்­மா­னிக்­கப்­பட்­டுள்­ளது. சபா­நா­யகர் மஹிந்த யாப்பா அபே­வர்த்­தன தலை­மையில் கடந்த வாரம் கூடிய பாரா­ளு­மன்ற நட­வ­டிக்­கைகள் தொடர்­பான குழு கூட்­டத்­தி­லேயே இந்த தீர்­மானம் மேற்­கொள்­ளப்­பட்­டுள்­ளது. இது தொடர்­பாக எதிர்க்­கட்­சி­யினால் முன்­வைக்­கப்­பட்ட பிரே­ர­ணைக்கே பாரா­ளு­மன்ற நட­வ­டிக்­கைகள் தொடர்­பான குழு அனு­மதி வழங்கி இருக்­கி­றது. குறித்த பிரே­ரணை சபை ஒத்­தி­வைப்பு வேளை விவா­த­மா­கவே அன்­றைய தினம் எதிர்க்­கட்­சி­யினால் கொண்­டு­வ­ரப்­பட இருக்­கி­றது. விவா­தத்தை பிற்­பகல் 1.30 மணி முதல் மாலை 5.30 மணி­வரை நடத்­தவும் இதன்­போது தீர்­மா­னிக்­கப்­பட்­டுள்­ளது. பலஸ்தீன் மக்கள் தற்­போது எதிர்­கொள்ளும் சிர­மங்கள் தொடர்­பாக பாரா­ளு­மன்­றத்தில் இடம்­பெ­ற­வுள்ள விவா­தத்தை பார்­வை­யி­டு­வ­தற்­காக இலங்கை பலஸ்தீன் பாரா­ளு­மன்ற நட்­பு­ற­வுச்­சங்க உறுப்­பி­னர்கள் மற்றும் இலங்­கையில் இருக்கும் அரபு நாடு­களின் தூது­வர்கள்...

ஜனாதிபதி ரணில் விக்ரமசிங்க ஜனாதிபதியாக பதவியேற்று ஒரு வருடம் பூர்த்தியாகும் நிலையில் பதவியேற்பு விழாக்கள் எதனையும் ஏற்பாடு செய்ய வேண்டாம் என அதிகாரிகளுக்கு பணிப்புரை விடுத்துள்ளார். ஜனாதிபதியின் பதவியேற்பு விழாக்களை ஏற்பாடு செய்வது தொடர்பில் பல்வேறு தரப்பினர் முன்வைத்த கோரிக்கைகளை கருத்திற்கொண்டு ஜனாதிபதி ரணில் விக்ரமசிங்கவினால் இந்த பணிப்புரை வழங்கப்பட்டுள்ளது. ⭕பதவியேற்பு விழாக்களுக்கு தடை கடந்த 2022 ஆம் ஆண்டு ஜூலை மாதம் 20 திகதி ரணில் விக்ரமசிங்க நாடாளுமன்றத்தில் 134 வாக்குகளைப்பெற்று இலங்கையின் எட்டாவது ஜனாதிபதியாக பதவியேற்று ஒரு வருடம் பூர்த்தியாகவுள்ளது. இந்நிலையில், எரிவாயு வரிசைகள், எரிபொருள் வரிசைகள் என கடும் பொருளாதார நெருக்கடியில் சிக்கியிருந்த நாடு தற்போது ரணில் விக்ரமசிங்கவின் ஆட்சியால் வழமைக்கு திரும்பியுள்ளதாக பதவியேற்பு விழாக்களை ஏற்பாடு செய்ய வேண்டும் என அரசாங்கத்துடன் நட்புறவு கொண்ட தரப்பினர் கோரிக்கை விடுத்துள்ளனர். இதற்கு பதிலளித்த ஜனாதிபதி, பொது மற்றும் தனியார் பணத்தை செலவிட்டு பதவியேற்பு விழாக்களை நடத்தக்கூடாது என கடுமையாக உத்தரவிட்டுள்ளார். from Ce...

தாதியர் ஆட்சேர்ப்பின் போது கலைப் பிரிவு படித்தவர்களையும் தாதியர் பயிற்சிக்கு சேர்த்துக் கொள்ளும் வகையில் விதிமுறைகள் திருத்தப்பட வேண்டும் என ஜனாதிபதி ரணில் விக்ரமசிங்க தெரிவித்துள்ளார். சுகாதார அதிகாரிகளுடன் இன்று (14) இடம்பெற்ற கலந்துரையாடலின் போது ஜனாதிபதி இதனை தெரிவித்ததாக ஜனாதிபதி ஊடக பிரிவு தெரிவித்துள்ளது. from Ceylon Muslim - NEWS CASTING FROM SRI LANKA https://ift.tt/oC2raBl via Kalasam

சட்டவிரோதமான முறையில் கடல் மார்க்கமாக எடுத்துச் செல்ல முற்பட்ட 08 கிலோ 450 கிராம் தங்கத்துடன் சந்தேகநபர்கள் இருவர் கடற்படையினரால் கைது செய்யப்பட்டுள்ளனர். கற்பிட்டி - வன்னிமுந்தலம் கலப்பு பகுதியில் கடற்படையினர் இன்று (12) காலை விசேட தேடுதல் நடவடிக்கையை முன்னெடுத்திருந்தனர். அங்கு கற்பிட்டி கடற்பகுதியை நோக்கி சந்தேகத்திற்கிடமான வகையில் டிங்கி படகு ஒன்று பயணிப்பதை கடற்படையினர் அவதானித்து சோதனையிட்டனர். இதன்போது டிங்கி படகில் சூட்சுமமாக மறைத்து சட்டவிரோதமான முறையில் எடுத்துச் செல்ல முயன்றதாக சந்தேகிக்கப்படும் நான்கு பொதிகளில் பொதி செய்யப்பட்ட தங்கம் கடற்படையினரால் இவ்வாறு கைப்பற்றப்பட்டது. from Ceylon Muslim - NEWS CASTING FROM SRI LANKA https://ift.tt/fvqHjN8 via Kalasam

  (மு.அ.மு.சிஹாம்) கடந்த ஏப்ரல் மாதம் 08 ம் திகதி ஏறாவூர் மீரா பாலிகா பாடசாலையில் நடைபெற்ற சுமார் 10 #வருடங்களுக்கு ஒரு முறை நடைபெறக்கூடிய ; இலங்கை #கிரிக்கெட் நடுவர் சங்கத்தினால் நடாத்தப்படுகின்ற நடுவர்களுக்கான பரீட்சையில் நடுவர் குழாம் தரம் - 5 க்கு ஒலுவில் சரிபுடீன் சியான் தெரிவு செய்யப்பட்டுள்ளார். வெட்டுப்புள்ளி 70 க்கு மேல் பெற வேண்டிய, இப் பரீட்சையில் 83.5 புள்ளிகள் பெற்று இவர் சித்தியடைந்துள்ளமை குறிப்பிடத்தக்கதாகும். மேலும் இவர் பிரபல ஒலுவில் #இலவன் ஸ்டார் விளையாட்டு கழகத்தின் சிரேஷ்ட வீரரும், இலங்கை  #உதைபந்தாட்ட சம்மேளனத்தின்  மத்தியஸ்தரும் மற்றும் மாவட்ட உதைபந்தாட்ட  அணி கோல் காப்பாளருமாவார். பிராந்தியத்தில் விளையாட்டு மற்றும் அறிவிப்புத்துறையில் பல தடைகளை கடந்து தன் முயற்சியால் தனக்கென ஒரு இடத்தை பெற்ற ஒரு  ஆளுமையாகவும் திகழ்கின்றார்.   அறிவிப்பாளருமான ; குறிப்பாக கிரிக்கெட் வர்ணனையில் பிரபலமான சரிபுடீன் சியான் அவர்களுக்கு  வாழ்த்துகளும் பிராத்தனைகளும். from Ceylon Muslim - NEWS CASTING FROM SRI LANKA https://ift.tt/...

அமைச்சுப் பதவிகளை கோரி நிற்கும் ஶ்ரீலங்கா பொதுஜன முன்னணியின் சிரேஸ்ட உறுப்பினர்களுக்கு தனியான செயற்குழு ஒன்றை அமைத்து அவர்களுக்கு பொறுப்புக்களை ஒப்படைக்க அரசாங்கம் பரிந்துரை செய்துள்ளது. இந்த செயற்குழுவில் அங்கம் வகிக்கும் உறுப்பினர்களுக்கு வாகன கொடுப்பனவு உள்ளிட்ட சில வரப்பிரசாதங்கள் வழங்கப்பட உள்ளதாக கூறப்படுகிறது. ⭕அமைச்சுப் பதவிகளுக்கு குறைந்த பதவி எவ்வாறெனினும், அமைச்சரவை அமைச்சுப் பதவிகளுக்கு குறைந்த எந்தவொரு பதவியையும் ஏற்கப் போவதில்லை என மொட்டு கட்சியின் சிரேஸ்ட உறுப்பினர்கள் தெரிவித்துள்ளதாகவும் தகவல்கள் தெரிவிக்கின்றன.  இந்த செயற்குழுவிற்கான அமர்வுகள் கடந்த வாரம் நடைபெற்ற போதிலும் எவரும் அதில் பங்குபற்றியிருக்கவில்லை என்பது குறிப்பிடத்தக்கது. மேலும், இந்த நாடாளுமன்ற உறுப்பினர்களின் குடும்ப உறுப்பினர்களுக்கும் வாகன கொடுப்பனவுகளை வழங்க பரிந்துரை செய்யப்பட்டுள்ள போதிலும் அதனையும் அவர்கள் நிராகரித்துள்ளதாக தெரியவருகிறது.  ⭕ஜனாதிபதியின் நிலைப்பாடு எவ்வாறெனினும், அமைச்சர்கள் எண்ணிக்கையை மேலும் அதிகரிப்பதில்லை என்ற நிலைப்பாட்டை ஜனாதிபதி கொண்டுள்ளார் என்று...

கைது செய்யப்பட்டு விளக்கமறியலில் வைக்கப்பட்டிருந்த ராஜாங்கனை சத்தா ரதன தேரர் பிணையில் விடுவிக்கப்பட்டுள்ளார். 5 இலட்சம் ரூபா பெறுமதியான இரண்டு சரீரப் பிணையில் செல்வதற்கு நீதிமன்றம் அனுமதி வழங்கியுள்ளது. மதங்களுக்கு இடையில் முரண்பாடுகளை பரப்பிய குற்றச்சாட்டின் பேரில் அவர் கைது செய்யப்பட்டு விளக்கமறியலில் வைக்கப்பட்டிருந்தமை குறிப்பிடத்தக்கது. from Ceylon Muslim - NEWS CASTING FROM SRI LANKA https://ift.tt/e5E02PK via Kalasam

 புதிய பொலிஸ்மா அதிபர் நியமனத்தில் உள்ள இழுபறி நிலை தொடர்பில் அரசியலமைப்பு பேரவை விசேட கவனம் செலுத்த வேண்டும் என நாடாளுமன்ற உறுப்பினர் ஜி.எல்.பீரிஸ் தெரவித்துள்ளார்.  நேற்றையதினம் இடம்பெற்ற ஊடகவியலாளர் சந்திப்பில் கலந்து கொண்டு கருத்து வெளியிடும் போதே அவர் மேற்கண்டவாறு குறிப்பிட்டுள்ளார்.  ⭕சட்டம் ஒழுங்கை பாதுகாக்க முடியாது தொடர்ந்தும் தெரிவிக்கையில்,  நிறைவடைந்த ஆறு மாத காலப்பகுதியில் மாத்திரம் நாட்டில் 40 துப்பாக்கி சூட்டு பிரயோகங்கள் இடம்பெற்றுள்ளன. துப்பாக்கி சூட்டுக்கு இலக்காகி 23 பேர் உயிரிழந்ததுடன், 17 பேர் படுகாயமடைந்துள்ளார்கள். பகல் வேளையில் பொது இடங்களில் இவ்வாறு துப்பாக்கி சூட்டு பிரயோகம் நடத்தப்படுகிறது. நீதிமன்றங்களுக்கு சென்று சாட்சியம் வழங்குபவர்களில் பெரும்பாலானோர் துப்பாக்கி பிரயோகங்களுக்கு உள்ளாகியுள்ளார்கள். பொதுமக்களின் பாதுகாப்பு உறுதிப்படுத்தாமல் உள்ள நிலையில் எவ்வாறு மக்கள் நீதிமன்றங்கள் மீது நம்பிக்கை கொண்டு சாட்சியம் வழங்குவார்கள். பொதுமக்களின் உயிருக்கு உத்தரவாதம் இல்லாத நிலையில் நாட்டில் சட்டம், ஒழுங்கை பாதுகாக்க முடியாது. ப...

(எம்.மனோசித்ரா) நாட்டை வங்குரோத்தடையச் செய்தவர்களை இனங்காண்பதற்காக நியமிக்கப்பட்டுள்ள தற்போதைய தெரிவுக்குழு செயற்திறன் மிக்கதாகக் காணப்படாது. எனவே தனது தலைமையில் பொருளாதார சீரழிவுக்கான காரணங்களை கண்டறிய எதிர்க்கட்சியின் தெரிவுக்குழுவொன்றை ஸ்தாபிக்க முடியும் என்று எதிர்க்கட்சித் தலைவர் சஜித் பிரேமதாச யோசனையொன்றை முன்வைத்துள்ளார். எதிர்க்கட்சி ஒன்றியத்தின் வாராந்த செயற்குழுக் கூட்டம் திங்கட்கிழமை (10) பாராளுமன்ற கட்டடத் தொகுதியில் இடம் பெற்றபோது இதனைத் தெரிவித்தார். அவர் மேலும் குறிப்பிடுகையில், நாட்டில் ஏற்பட்ட நிதி வங்குரோத்து நிலைக்கு ஏதுவாக அமைந்த காரணங்களை வெளிப்படையாகக் கண்டறிந்து யதார்த்தங்களை தெரிந்து கொள்ளும் முகமாக பாராளுமன்ற தெரிவுக்குழுவொன்றை ஸ்தாபிக்கக் கோரி ஐக்கிய மக்கள் சக்தியின் பாராளுமன்ற உறுப்பினர் ஹர்ஷன ராஜகருணாவின் யோசனையின் பிரகாரம் பல பாராளுமன்ற உறுப்பினர்களின் கையொப்பத்துடன் சபாநாயகரிடம் கோரிக்கை விடுக்கப்பட்டது. எனினும் இந்த தெரிவுக்குழுவின் தவிசாளராக பொதுஜன பெரமுனவின் பொதுச் செயலாளரான சாகர காரியவசம் நியமிக்கப்பட்டுள்ளதன் பின்னனியில் இது வெறுமனே பேச்...